Ia i le Atua poto le vi’iga e le aunoa, aua ua Ia faia mea sili ua tatou fiafia ai. Sal.126:3. E lua itu taua ua afua ai le agaga fa’afetai a’e i Ie Ali’i o le Itumalo o Manukau i lenei vaitau o le folauga:

O le aso 30th o Me 2022 na amata aloaia ai le polokalame e ta’ua o le ‘INL’ Intensive Literacy & Numeracy’ course mo le a’oa’oina o le tomai tau computer i St Paul Otara, mo le fale fa o Matagaluega a Magele Tutotonu, Magele i Sasa’e, Papatoetoe ma St Paul Otara.

O lenei fa’amanuiaga ua to’ia fa’atasi ai Itumalo a Manukau ma Aukilani, sa tauala mai i feso’ota’iga a le faletua ia Manu Palelei, mai le Matagaluega a Manurewa ma le ‘Ignite Colleges’ o se tasi o providers o lo’o auala mai nisi o fesoasoani a le Malo mo tatou tagata i communities ta’itasi.

E tele magavai o fesoasoani, ae ua patino lenei fesoasoani mo nai o tatou tagata matutua ma so’o se tasi e mo’omia lenei tomai ina ia latou malamalama i le fa’aaogaina o msini computer mo feso’ota’iga e pei ona tula’i mai le aoga tele ma le taua i le taimi o le Koviti 19, ina ua vaoia le tele o fa’atasiga ma mafutaga e le gata i aiga ma galuega ae sa fa’apena ona afaina ai tapua’iga ma polokalama masani a ekalesia.

O lea ua savali le valu(8th) o vaiaso, ae o lo’o tumau pea le maualuga o le agaga auai o le vasega e tusa ma le 20, i Aso Gafua ma Aso Tofi uma mai le 11.00am-2:00pm & 6:00pm – 9:00pm.

O le vi’iga sili lea o le Ali’i, aua e le tuligofie le 200 itula, aemaise lava lenei vaitau o le malulu. Peita’i o lo’o taula’i tasi le va’ai a sui uma i le taunu’uga, o le a maua ai le Computer fou, e fai ma taui o le onosa’i ma le lē solomuligofie. Viia le Ali’i.