O le vi’iga ma le fa’afetai I le Atua ona ua taunu’u ma le manuia le fa’amoemoe, sa tu’upoina. I le aso 3-6 o Iuni 2022 sa usuia ai le Leadership Training (LT) Camp a Tupulaga a le tatou Sinoti.

I le Aso Faraile sa tatala aloaia ai e NYLO le LT i se devotion ma tutu ai le moliga’o aua le amataliaina o le Leadership Training. E pei o upu tomua e sui faiga ae tumau faavae. O le LT Camp lea ua faatino ai le auai o Tupulaga 30+, e fai ma Mentors I le camp, o mentors sa auai o Faiese Brewster (Siona), Juanita Salevao (Panmure), Sharlene Malaeimi (Manurewa), Ronald Vatau (Manurewa) ma Pu’a Tafa (Crossway, Masetone). O le galuega a Mentors, o le feasoasoani i polokalame a le LT ma lagolagosua ma fautua I Taitai Tupulaga talavou aua polokamalame ma gaioiga faataatitia o lenei faamoemoe. Sa vaevae Tupulaga i vaega e 4 poo lanu eseese e pei ole lanu Mumu, Samasama, lanu Meamata ma le lanu Moana. Sa faia loa taaloga I le po muamua ma sa manumalo ai le lanu Samasama.

I le Aso To’ona’i sa ta’itaia ai e Juanita Salevao le matou devontion. O le faamalosi o lena aso o le Leaders are not born, Leaders are made. O se faamanatu I taitai e mafai lava ona taitai se tasi, pe a iai le loto ma le faatuatua e te mafaia so’o mea. O le aso fo’I lea sa auai tupulaga Ia latou vaega eseese I galuega fai sa tapenaina e YMCA. O activities sa iai o le Trapeeze ma le Leap of Faith, e pe’a I luga le tupulaga I se pou a taunuu I le tumutumuga o le pou ona puga mai lea I lalo ae taofi e le latou team o latou maea ia aua ne’I afaina se tasi ole team. O le auga o lea acitivity ia latou iloa ona faatuatuaina le latou team. O le isi activity o le Team Challenges, e tusa ma le ono luitau sa latou uia ona maea ai lea o lea activity. O le vaega lona lua o le aso o le Confidence Course ma le Raft building. Ona o le mamafa o timuga mai le aso Faraile sa le mafai ai ona faataunuu le Raft Building ona e faia lea I le vaitafe o le Hunua. Ae sa maua le avanoa e faaaogaina ai le Mud Slide. I le Confidence course e iai fo’I liutau e feagai ma le au e pei lava o lae kolegi I le Army. Sa lagona le fiafia o Tupulaga ona ua maea o latou activites I lea aso o loo tumau pea le alofa ole Atua ma lana tausiga ile camp. Na maea loa le dinner i lea afiafi fai loa la matou Bon Fire. O se avanoa na ese sona faalogona a’o faasoa tupulaga I faigata ma luitau sa fegai ma I latou, e le gata I activities a’o I totonu o latou tupulaga taitasi. Sa salani mea uma ile matou Bon Fire ma le sunusunuina o Marsh Mellows ma tauvaga pesepesega.

Ole Aso Sa sa ta’ita’ina e Sharlene Malaeimi le matou devotion, ae lei faia le ti ole taeao. Na maea le ti ona fai lea ole session a NYLO ile Visions and Goals. O se faamalosiau I tatou tupulaga po’o a ni a latou goals mo le lumana’I faapea le lumana’I mo lo latou Tupulaga ale Sinoti. Po’o a ni resources e manaomia poo le a foi se support e mafai e NYLO ona fesoasoani ai ile faataunuu o latou goals. Sa lagona lava le fiafia ma le loto faagaeetia ole NYLO I le naunau o Taitai I le lumanai o le galuega a Tupulaga. Sa faia le matou Sauniga Faamanatuna, sa taitaia lea e le Failauga Tupulaga ia Faiese Brewster ma le Susuga Tausi Matagaluega ia Rev. Sioa Letalu. Sa auai atu foi ma le faletua ia Ruanna I le matou sauniga. Na maea le matou tapuaiga ole aso Sa, ona fai loa lea o taaloga ma aoaoga Tusi Paia sa faia lava ele matou failauga ia Faiese. Sa talanoaina ai Temptaions poo faaosoosoga o le olaga, aemeise mo Tupulaga I olaga o lea ua iai lenei vaitau, o le olaga faa-socialmedia. Sa faasoa foi Tupulaga I le faigata o faaosoosoga ma luitau o le Social Media ma aafiaga ua afaina ai I latou. Momoli le faafetai tele I Tupulaga talavou mo le latou faasoa lena afiafi Thank you for trusting us NYLO and Mentors, we know it was not easy to share, but a load shared is a load halved.

Ona faaiu lea o la matou LT I le wokshop sa tapenaina e Le Va o le Atu Mai, e faamanatu ai le taua o le tatou aganu’u ma values faa-Pasefika. Ma le workshop I le Upstander, o le faatauaina o lou tagata pea tupu se faalavelave, ma ia e tu malosi e faaitiitia se faafitauli. Sa tapunia aloaia e NYLO le LT Camp ile tatalo faaiu. Talosia ia ile alofa ole Atua ia maua ni faalumaga taua e tupulaga ole Sinoti ma I matou uma sa auai ile LT Camp.