Accessible version

Methodist Church of New Zealand

by Supplied

E LE MAVAE LE AGAGA FIAFIA ONA O LE ALOFA MA LE FA’AMAONI O LE ATUA.

Saunia e Fatuatia Tufuga - May 30, 2023

Fa’atalofa atu i matua o le Sinoti, Susuga i Tausi Itu malo, le paia o le aufaigaluega, susuga i ta’ita’i, fa’apea le mamalu o le tatou Sinoti. E maualuga pea le viiga ma le agaga fa’afetai i le Atua ona o lana tausiga ma lana ta’ita’iga alofa lea ua tatou aulia mai ai lenei vaitau o le tausaga. E le fesiligia le louloua o le tau mai le tele o masina ua mavae, ae fa’afetai i le alofa o le Atua, ua leai se tasi o le tatou Sinoti o afaina ai le soifua. E ui lava ina afea nisi o tatou aulotu ma aiga i le malaga a le maliu ma le oti, ae fa’afetai ua amia le to’atasi ae o lo’o manuia pea le to’atele.

Mo lo outou silafia, o lena ua toe fa’aauau atu nisi o ata o le fa’auuga o le fetalaiga ia Pouniu Levao ma le faletua ia Vanessa e avea ma Ta’ita’i o le tatou Ekalesia i Tokoroa. Talu ai ona o letele o ata na fa’ao’o mai ona o le agaga fiafia ma le agaga fa’agae’etia o le tatou Sinoti, ona o Alo ma Fanau sa tautua mai i le tele o tausaga, ae o lea ua fa’apaleina nei i laua e avea ma Ta’ita’i o le galuega i Tokoroa, ua manatu ai le ofisa, e lelei ona outou silasila i nei ata, aua o se fa’ailoga lea o le AGAGA FIAFIA o tagata o le tatou Sinotiona o lea ua fa’aalia ALOFA ma le FA’AMAONI o le Atua ile tatou Sinoti Samoa. Ae ua avea fo’i o se avanoa e momoli atu ai le agaga fa’afetai tele i le Tausi Itu Malo ia Tovia Aumua ma le paia o le Itu Malo Malosi i Manukau ona o tapenaga uma sa feagai ai aua le fa’au’u ina o alo ma fanau o le tatou Sinoti, ua tula’i mai e avea ma Ta’ita’i mo le lumana’i.

Fai mai upu o le Salamo e 115:1

“Aua ne’i ia te i matou, le Ali’i e, aua nei ia te i matou,a ia tu’uina atu le viiga i lou suafa, ona o lou alofa ma lou fa’amaoni”

MAY GOD’S BLESSING BE UPON YOU POUNIU LEVAO AND VANESSA.