Saione Parish Education 2023

‘Oku kau fakataha ‘a e peulisi Saione⸍ mo e ngaahi siasi ‘o e Vahefonua⸍ ‘i he poupou’i mo e faka’amu ke ako lelei ‘a e fanau ‘o e siasi. ⸍ ‘I he Sapate tolu ko eni ‘o Fepueli⸍ na’e toki fakahoko ai ‘a e Sapate ako ‘a Saione⸍. ‘Oku makatu’unga eni ‘i he tui ‘a e siasi⸍ ko e taimi eni ‘oku kakato mai ai ‘a e ola ‘o e ngaahi sivi fakapulea’anga ‘a e fanau siasi⸍ mei he ta’u kuohili siasi⸍. ‘Oku ‘ikai ko ia pē foki ka kuo fokotu’u ‘a e ngaahi ako’anga⸍ pea maau mo e ngaahi teunga ako ‘o e fanau⸍.

‘I he Sapate ako ‘o e ta’u ni⸍ na’e ma’u faingamalie ai ‘a fanauako ‘o Saione⸍ ke ma’u ‘a Dr. Soana Muimuiheata ke ne fakahoko ‘enau malanga⸍. Na’e fakahoko foki ai mo e ngaahi lea ‘a ia na’e kau ki ai ‘a ‘Anahila Kanongata’a-Suisuiki [fakafofonga falealea], Maria Meredith [sea poate Maungakiekie] pea mo Soana foki mei he mala’e ‘o e potungaue mo’ui⸍.

‘I he ngaahi lea ni kotoa na’a nau talanoa he ngaahi mala’e ‘oku nau ngaue ai ‘o hangee ‘o ‘Ahahila mei he falealea⸍, Malia mei he kaunisolo ‘a Aokalani⸍ pea mo e fa’ee ‘oku poupou’i ‘a e ako⸍. ‘I he ngaahi a’usia⸍ ni kotoa na’e tokoni ‘aupito ia ki he ngaahi famili ‘o Saione⸍. ‘Oku faka’amu foki ‘a Saione ke ‘oua ‘e ngata pe ‘i he fakamanatu mo fakamamafa’i ‘a e mahu’inga ‘o e ako⸍ kae toe tokoni’i foki ‘a e fanau⸍ ke ma’u ha’a nau ngaahi sikolasipi pea mo ha tokoni fakapa’anga pe naunau ki he ‘enau ako⸍.