Lesoni; Same 24:1 A nei Jiova ko Vuravura kei na ka kecega sa sinai kina. A vei vanua kei ira era sa tiko kina. Scripture; Psalms 24:1 The earth is the Lord's and all that is in it, the world and those who live in it.

In the season of Creation, God's mysterious identity can be experienced in Creation. It is possible to experience God in the ordinary, common everyday things of life. Naturally, the rising of the sun, the falling of the rain and the growth of the plant. Paul had the same idea when he said that the visible world was designed to make known the invisible things of God and there are no excuses (Rome1:20). We can find common things in life and countless signs which lead people to God if they only read them correctly. Anyone who does not encounter God in Creation will not encounter God in the Church either.
E dau vaka gauna e na vei yabaki na noda donumaka ka dodonu me da vei vakananumi tale kina e na nona veibuli na Kalou. Sa sega nai ulubale me da tukuna se vaka lecalecava ni nona ga, ka lewa na Lomalagi kei na Vuravura na Kalou. E vakatakilai koya na Kalou kei na nona kaukauwa e na nona i bulibuli mai na cabe ni matanisiga, na tau ni uca kei na tubu ni veika bula. E da wili ka va Kalougatataki kina ko keda na tamata ni da nona i bulibuli uasivi duadua na Kalou. (Same 8:4-6).

Sa vakila oti ko Paula ka vola, 'ni sa kune na veika ni Kalou e vuni tu... ni sa kilai oti e na veika sa buli mai na gauna sa buli kina ko vuravura. O koya oqo sa sega kina na nodra i ulubale'. (Roma 1:20). Vakarawarawa taka sara e dua na dau ni volavola, ka vola, 'Kevaka e da vinakata me da kila vaka vinaka na Kalou, kei na nona kaukauwa, me da rai vaka volivoliti keda ga'. If you wish to know God, look around you'.

Sa ka bibi na noda raica ka vaka duavata taki keda kei nai bulibuli kece ni Kalou. Kevaka e da na sega ni raica rawa ka semati keda vata kina, e da na sega talega ni semati keda rawa vata vakavinaka kei na Kalou e na loma ni noda Lotu. Dua nodra i vakarau makawa na Jiu nodra semata na bula ni Yalo ni Kalou ki na bula ni nona i Bulibuli (Jews connects the Spirit of God with Creation), me rawa ni ra raica ka vakaibalebale kina vei ira nodra qaravi Kalou.

Vakabauta na Kalou na Dau ni VeibuliNai Volatabu sa vakadeitaka na noda Vakabauta, 'E nai vakatekivu, sa bulia na lomalagi kei na vuravura na Kalou' (Vakatekivu 1:1). Sa vakabauta ka vakalagilagia na dau ni Same ka vola, 'Sa nei Jiova ko vuravura, na vei vanua kei ira era sa tiko kina' (Same 24:1).

Na Gone Turaga ko Jisu Karisito e vakarawarawa taka e na nona dau vakatavuvuli se vunautaka na dina qo vei ira na i Apositolo.

E vakadavora kina na Lotu na vei vakadeitaki e na noda i tukutuku ka da dau cavuta e na noda Vakabauta (Statement of Faith), 'Au sa vakabuta na Kalou, na Tamada sa sega ni yalani na nona kaukauwa, ko koya ka bulia na Lomalagi kei na Vuravura ..... (Apostles Creed 1).E na i ka ono ni siga ni nona veibuli 'A sa vakaraica na Kalou na ka kecega sa bulia ko koya, ka raica sa vinaka sara' (Vakatekivu 1:31).

Mai na i Vakatekivu ni nona vakayaco lomana na Kalou e na nona veibuli, sa vakayaco talega na tamata ka a bulia me vei ucui ka i tovo vata kei koya. Sa yaco kina me cudruva na tamata na Kalou me vakavulica e na i naki ni nona veibuli. Lako sese ka tacori na tamata e na valavala ca. Ia na Loloma levu ni Kalou sa bulia vou tikoga na veika me sotavi kina keda kina na nona i bulibuli uasivi duadua. Mai na kena vaka luvuci oti na Vuravura e na gauna nei Noa, sa vosa yalayala tale na Kalou ni na sega tale ni vakarusa na nona vuravura ka a bulia. 'Ia ka'u na sega ni vakarusai vuravura tale e na vuku ni tamata, ka'u na sega talega ni cudruva na ka kecega sa bula. Ni sa tiko ko Vuravura, e na sega ni mudu na vula i teitei kei na vula i kelikeli kei na liliwa kei na katakata .... kei na siga kei na bogi' (Vakatekivu 1:21-22).

Nai vakatakilakila matata duadua ni nona vakatakila na Loloma levu qori na Kalou sa mai vakatakilai koya kina e na nona bula na gone Turaga ko Jisu Karisito, ‘A sa yaco me Tamata ko koya na vosa (Joni 1:14). Mai bula saraga vaka Tamata e vuravura, mate ka tucake tale me da bula e na nona veibuli kei na nona Loloma levu na Kalou (Joni 3:16) E da sa na bolei kina na Tamata vakabauta e na noda raici keda kei na nona vei vakarautaki na Kalou levu qo ki na noda Bula.Sa na dodonu me sega tale nai ulubale e na vuku ni noda sa raica nona i bulibuli na Kalou ka vakaibalebale taka vei keda na i Volatabu. 

Me da laveta ka bulataka tikoga noda vakabauti Jisu Karisito, sega e na vosa ga, ia e na cakacaka. Ni sa sa i Jisu Karisito na "Vosa ni Kalou" koya a veibuli kina mai nai vakatekivu, ka yaco me mai buli keda vou talega kina na tamata i valavala ca me da rawata na Bula.

Au sa tinia e nona vakacaucautaka nona veibuli na Kalou na Dau ni Same 8 - I Jiova na neimami Turaga ... O ni sa vakaraitaka nomuni lagilagi mai Lomalagi e cake ....na cakacaka ni qaqalo ni ligamuni ...na vula kei na kalokalo ko ni sa lesia. A cava na tamata mo ni dau nanumi koya kina, kei na luve ni tamata mo ni dau talevi koya kina. Me da qai vakanananu kina ka cakacakataki keda kina ni sa vukei keda na Kalou. Emeni.

Me ceguva ka Vakalougata taka na Kalou nona Vosa sa volai vei keda nikua. Mo ni Kalougata ka Qaqa.Nai Loloma Levu, mai Jesirieli e na Koroturaga.