NA KENA BULATAKI NA MASU – NA BULA NEI ANA NA TINAI POROFITA O SAMUELA. (How to a live prayer life – The Life of Anna, the prophet Samuel’s mother.

This month we are celebrating Mothers’ Day, a day dedicated to all the mothers whose unimaginable compassionate love can be told and relived in everyone who loved their mothers. We always remember those who are not with us today.

Bula Dredre Nei Ana

Nai talanoa ni bula kei Ana na tinai Samuela na porofita. Edau vakararawataki, beci ni sega na luvena, vosacataki ka dusi vakalevu. Ia, ena veika lelevu e lakocuruma e tu edua dina na marama e dauvakarorokotaka, dauvakarorogo ka dauloloma. Oqo edua na yau levu e maroroa voli ka vukei koya me lomani koya kina ko Jiova. Oqo edua na rairai ni yalodinataka toka na nona veiwekani keina Kalou.

Vakalolomataki ena veigauna, ia e sega ni dau cudru se yalo totolo. E dina ni sega na luvena, ka sega ni rawa ni vakaluveni. Ia na watina o Ilikena e lomani koya, ka qarava voli na nona veiqaravi ka sega sara ni kauwaitaki koya.

Ia, marama dau qarava na Kalou, ena nona lako kina Vale ni Soro ka dau mas u vua na Kalou. Sa laki cavuta wale o Eli na vakatawa ni Valenilotu, sa daumateni o Anna ka laki vakakosakosa tiko ena Vale ni Soro.

Ena rairai vei Ana, e laurai voli kina, ia masulaka tiko me dua na luvena. Sa qai solia vua ena dua na luvena na Kalou, ka yacana o Samuela. Eda kila vinaka na gone oqo, qai vakatabui koya na Kalou, me nona parofita.

Ia, ko Samuela, qai dua na Parofita rogolevu ena nona veisautaka na Vanua ko Isireli kina dua na matanitu – Era dua lewai ira tu na liuliu ni veiyavusa. Era dui cakava ga na ka edodonu vei ira. Qai vakaroti Samuela na Kalou, me vukica na veiliutaki oqo mai vei ira na liuliu ni Yavusa kina me sa dua ga na nodra Tui. E matai ni Tui kina ko Saula.

E mai sala ni TAKAVUKI o Anna, ena nona Masu keina kerekere vua na Kalou, sa solia mai kina na Kalou edua na luvena tagane. Oqo edua na cakacaka Vakalomagi. Macawa sa oti au cavuti Ruci tiko kina na marama ni Moapi. E qai vakasucumi Opeti kina ko Ruci, e qai tukai Tevita kina.

NA NODRA TUTU NA MARAMA ENA GAUNA KOYA.

Kevaka eda raica vakarabailevu na Bula nei Ana, eda raica na veibeitaki keina veivakalolomataki e kauta na nodrai tovo na Isireli. Na nodra tutu na marama ena loma tikotiko, era dau muri voli ga, e sega na nodra kaukauwa ena lomani bula vakatikotiko. Era beitaki ka kalawaci kevaka era sega ni vakaluveni, biligi kevaka era sega ni vakaliuci ena loma ni vakawati levu vica.

Sa sega ni ra vakabibitaki ka dau yaco kina veivakalolovirataki. Na veika e lakocuruma o Ana, e yacori raraba na marama ena gauna koya. Oqo nai tovo vaka Jiu, na nodra vauci tu na marama ena colacola ni veiqaravi keina susu gone vakabibi o ira na tagane, me kauta tiko na yaca ni Vuvale.

Oqo na rairai ni dua nai tikotiko se Society. E laurai kina na bula e vakadavora na o ira na nodra Qase, me rokovi kina veiliutaki, kaukauwa keina tutu vakavanua. E bolei kina nodra bula na marama keina lawa e vauci ira tu vakavanua, vakalotu keina bula vakamatavuvale.

Ia, eda raica Ana na nona soli koya vua na Kalou, me cakacaka na yalo ni Kalou ka vauci koya, me semai koya vinaka kina. Ka raica koya ko Ilai na bete na gauna koya, ka cavuta vua kevaka e a mateni ena nona vakacaucautaka tiko na Kalou ena nona meke ka masu tiko.

E raica o Ilai ni toso na gusuna ia sega rogoca edua na Vosa. – Na gauna e cavuta kina o Ilai ni mateni baleta ni vaka e meke tiko – Ia edau na ka bibi qai cavuta o Ana – E tukuna ni cakacaucautaka tiko na Kalou – E sega ni nona ulubale na veika e cakava vua o Venina – E sega, e tukuna tiko nona gole tiko vua na Kalou, Ena vakabauti koya. Ena nona raravi vua – Sega ni cavuta na dredre e cavuta tikoga ni vakacaucautaki na Kalou – Oqo edua na raira ni Tamata Vakabauta-

There is no drama but pouring out her herself to the praises of God so she can reach her riches. – Joni 15 : 8 “Meda vakatakila na cecere keina lagilagi ni Kalou ena noda vuavua vinaka me rawa ni nona Tisaipeli”

Tinitini.

Eda sarava vei Ana, dredre kina rawarawa, vakalolomataki kina Qaqa, biligi beci kina lagilagi, mamarau – Oqo na vuavua vinaka eda na taura kevaka eda bolea meda lakocuruma na mosi keina lomabibi.

Vaksuka vua na Kalou, na veivakacecerei, veivakalagilagi, keina yalololoma. Oqo sa noda madrali vua na Kalou belata ni sa vakalomavinakataki koya.

Vakagolea vua na nomu leqa, ena nomu vakavinavinakataka tiko nai solisoli Oqori me rawa kina ni rogoca na domda mai vua.

Meda noda vata na nona veivakalouagataki ena Vosa sa ceburaki ki vei ira era sara dolava na yalodra. Emeni.