“Who may ascend the hill of the Lord? Who may stand in his holy place?

These are two crucial questions for 2022 as we prepare our Christian pilgrim’s journey towards the mountain of our destiny. It is about faith exploration, seeking wise counsel, good management, sound judgement and earnestly seeking the divine revelation of God in that mountainous walk towards that horizon of life. We seek the wise counsel of Psalm 24 to guide us through this gigantic climb up the mountain, facing the uncertainties of its challenges.

Recently we experienced a major volcanic eruption in our Oceania moana, Hunga-Tonga-Hunga-Ha’apai volcano. Our deepest sympathy to the Tongan community, to the families of the victims who have lost their lives, for the ecosystem destruction, the toxic exposure of gas from the eruptions, and the damage from tsunamis and flooding throughout the Oceania wider region.

Let us stand united in our approach and in our prayers as we offer our best help in whatever forms towards our bigger whanau in Tonga and around us in Aotearoa. It will be a mountainous struggle to recover but we are known for our big hearts and the resilient spirit as we respond to the disastrous events around us.

Keimami duavata kei kemudou na wekai keitou mai Tonga kei ira na vakaleqai na nodra bula, kei ira era vakacacani na vurevure ni nodra bula, kei ira na vakacacani na nodra vale kei na veika e bula e tu ravita ira. Sa noda masu ni na tau malua toka na liga ni veivuke ena gauna dredre era curuma tiko ko ira na wekada mai Tonga.

Same 24 e taroga tiko e dua na taro levu ni noda cabeta na nona ulunivanua ni Kalou eda qarava. “Ko cei ena cabe cake ki na ulu-ni-vanua I Jiova? Se ko cei ena tu ena nona yasana tabu? Na cabe ulunivanua e sega ni rawarawa, e tiko kina na oca, na buno, na cakacaka vakaukauwa, na sasaga vuni eso, na duavata kei na cakacaka vata, kei na veitokani ena veigauna vinaka kei na veivakauqeti ena veigauna ni drakica eso. E sega ni na rawarawa na cabe vakaiyanaqa oqo, ia e taroga tiko na daunisame vua na Kalou na taukei ni ulunivanua nai walewale kei na vukivuki ni nona veivuke na Kalou meda rawani cabe ka maroroi ena ulunivanua ni nona veivakarautaki na Kalou.

Eda vakavinavinaka vua na Kalou ni da sa mai takosova ka cabeta bula na ulunivanua ni nona veivakarautaki, veivakataudeitaki ni yabaki vou 2022. Ia e voqa tiko ena loma ni yabaki- Turaga o cei ena cabeta rawa na nomuni ulunivanua koya, se ko cei e na rawata me laki tu-vakadua kina ka rawata na veika koni gadreva ena ulunivanua oqori?

E matata vinaka na kena sau: “O koya sa liga savasava ka yalo savasava”. Sa dina ni cakacaka vinaka kei na yalo vinaka ni qaravi tavi erau dau veiwekani vakavoleka ka dau marautaka na Kalou nai vakarau ni veiqaravi vakaoqo. E rau sega ni rawa ni veibiu rawa na yalo vinaka kei na cakacaka vinaka. Ena Vakatekivu 1 e vola na daunivolavola ni matai ni ka e curuma na wasawasa titobu butobuto ni veibuli ni vuravura oqo sai koya na yalo ni Kalou ka sala-muria mai na domo ni Kalou ka basika na cakacaka mana veivaka-kurabuitaki ni nona veibuli na Kalou ena dela ni vuravura, sai koya na rarama ni Kalou me vakaraitaka na veika e buli veitaravi. Na yalo ni Kalou e curuma na buto kei na wasa levu ka salavata kei na kaukauwa ni nona vosa bula me yaco na veivakacokotaki ni Kalou ena dela ni vuravura. E rau sega ni veibiu rawa na yalo ni Kalou kei na nona vosa bula ka salamuria mai na vakavotukanataki ni din akoya ena nona veibuli vou. Oqo na lewe ni noke ni vula oqo.

Ena 2022 e bibi me talevi na vosa bula ni Kalou ka me tarai cake na yalo kei nai naki ni noda veiqaravi, na lotu kei na kena vakabauta, kei na vuvale raraba kei na kenai tavi. Me davo donu toka ena loma ni tuvatuva oqo na yalo se cegu bula ni Kalou baleta e na vakavatukana ka laurai votu na liga ni veibulivou ni Kalou ena loma ni yabaki ke maroroi na savasava ni Kalou ena yalo ni tamata ka na drodrova yani na ligani ni veiqaravi na sau ni Kalou ke maroroi na savasava koya.

Nai karua ni ka e cavuta toka na daunisame sai koya na kena maroroi na yalo vinaka ni veiqaravi. Na kenai balebale oqo me kakua ni da vakatara meda vakagolea vakarawarawa na yaloda ena noda bula ni veiqaravi ena veika caca wale, ena veika e sega ni dina, na veika e vakalusi gauna, na veika e sega ni tarai cake kina na vinaka ni noda veiwekani kei na Kalou. Oqo e dua na yavu bibi ni noda cabe ki na ulunivanua ni nona veivakarautaki na Kalou. Me da nanuma nai vakaro taumada “Mo lomana na Kalou ena lomamu e taucoko, na nomu nanuma e taucoko, na nomu kaukauwa e ka vakaoti ka sega ni vakatikina, e ka e taucoko ka vakagolei kina ulunivanua ni Kalou. E vinaka talega na dina kina noda vosa, e sega na bubului vakailasu, ka veitautaunaki na daunisame ni tamata dina e kilai ena nona dinata na nona vosa vua na Kalou kei ira na wekana.

Na lotu e yau levu na loma vinaka. Ni da sa loma vinaka enai tavi duidui eda vakacolati kina, e na vuavuai vinaka na vuani ni cakacaka kei na sasaga ni lotu. Oqo e rua na yau levu e dodonu me vutucoqa tu ena loma ni lotu kei na kena vakabauta. Wasewase ko Viti kei Rotuma e Aotearoa, me teivaki na savasava ni Kalou kei na dina ni noda veiqaravi me rawa ni vakacaberi keda ena ulunivanua ka veitataunaki tiko kina na daunisame. E laurai na cakacaka ni ligada ni yavutaki vinaka ena kena yalo ni veiqaravi e dina.

E levu na kena bolebole ni cabe ulunivanua ia me da vakalesui enai tukutuku dina ni sa Kalou na Tamada, Na luvena ko Jisu, kei na vuni ka e dina na Yalo ni Kalou na noda ulunivanua ni vakacegu ena gauna bolebole eda curuma tiko oqo. Na ulunivanua e taka mai kina na nodai vukevuke, na noda sasabai mai na meca, na nodai drodro ka nodai vakavakacegu.

Mai na ulunivanua e Waikato kei Waiariki ena loma ni lekutu, au sa nuitaka ni da tautauri vakamatua ena qaqa ni same oqori ka me kauti keda ka vakacabeti keda vinaka ena ulunivanua ni  2022.