I le agaga faafetai tele e faafeiloai atu ai I le paia o le tatou Sinoti, susu o susuga I le Aufaigaluega ma faletua, Taitai ma faletua, tama malolo, faletua malolo, tuaa sinasina, le mamalu o le Sinoti i ona tulaga faalupelupeina seia oo lava i alo ma fanau laiti. E talitonu o loo taufai manuia tutusa i tatou uma i le alofa tausi vaatele o lo tatou Atua.

E ui lava ina afea i tatou ma le lalolagi atoa i lenei faama’i vaogata tele ma le pipisi, ua toatele foi soifua ua maimau ai. Ae tumau pea le talitonuga ma le faatuatua, e le mafai lava ona tuulafoaina i tatou e lo tatou Tapa’au Sili i le lagi. Ua moni ai upu a le aposetolo i le Ekalesia i Roma: “Afai ua ‘au ma i tatou le Atua, o ai se faasaga tau mai ia i tatou?” 

Ua matua moni ma faamaoni lafoga a le aposetolo, aua ua le po a malae i lau tou maitau i le nei vaitau i le alu saoasaoa o le fa’ama’i lea ua iai nei. Ua lapataina ai lava i tatou uma e le Palemia ma le malo, ina ia tautuana, ia tatou o e fai o tatou tui puipuia e 2, fai foi ma a tatou test. E leai a se malosi, leai se poto e tu ma tete’e atu i le faama’i lenei ma lana sau lea e sau ai. Ua outou silasila i talafou o lea aso ma lea afiafi, i le faaopopo pea, i le toatele o e ua aafia, ae maise o nai o tatou tagata Samoa ua matua toatele ua afaina. O lena foi vaiaso na matou faalogo ai i le TALANOA live i le saunaoga a le afioga ia Tuala o ia o le taitaifono a le ASA Foundation. O i latou o loo taumafai e tufa atu taumafa i nisi o nai o tatou aiga ua matua manaomia lava taumafa. Peitai ane, na matua tigaina i le falema’i ina ua maua i le koviti, nao le tasi le tui o lenei tamalii na fai, o loo faatali lona tui lona 2, ae ua le mafai ai e le faama’i ona alo ese ai. Na faaali mai totonu o le falema’i i lona tigaina, i lona taumanava ma taufai mai se tala ia matou. O le Aso Faraile lenei i luga o le TALANOA live aso 17 Setema, o loo tusia ai lenei article, na toe saunoa ai Tuala ua te’a i tua ua manuia, ma aioi mai i le mamalu o Samoa uma, o loo i Aotearoa nei, faapea le lalolagi o faafofoga mai. FAAMOLEMOLE o e fai outou tui puipuia, e lei lava le tasi o le tui e puipuia o ia ma lona toalua i le faama’i. Na ia matua faamalosi mai, ona o le aafiaga na matua tuga ma lailoa ai i le falema’i. Saunoa Tuala nate le toe fia o’o i ia tiga ma mafatiaga na iai. E fiva faasoloatoa, tiga le tino atoa, tau le mafai ona manava, nao le tagi ma olega i le Atua ina ia alofa mai. Le paia e, o le tatou Sinoti Samoa, afai e lei faia lou tui poo ou tui uma e lua, o le augani a le pumate, o le tata atu o le logo a Masefau, faamolemole o nei e fai outou tui. A tou alolofa i fanau, aiga, ma oe lava ia, alu nei, ave lou aiga, ia fai uma outou tui puipuia. O le upu a le atunuu, e sili a le puipuia i lo le togafitia. O le faalaeiau a le aposetolo, i le Ekalesia I Roma, o le faamalosi foi lena mo tatou uma, e leai se isi lava mea e faate’aeseina le alofa o le Atua mai ia i tatou uma lava, e o’o lava i le tui lenei, ao le alofa lena o le Atua, e te alofa atu ai i lau fanau, lou toalua ma lou aiga, ma ou matua. Ave uma le aiga e fai outou tui, ina ia puipuia mai le nei faama’i matautia ma le saua ua afea ai Aotearoa. O le Aso Faraile lenei i luga o le TALANOA live aso 17 Setema, o loo tusia ai lenei article, na toe saunoa ai Tuala ua te’a i tua ua manuia, ma aioi mai i le mamalu o Samoa uma, o loo i Aotearoa nei, faapea le lalolagi o faafofoga mai. FAAMOLEMOLE o e fai outou tui puipuia, e lei lava le tasi o le tui e puipuia o ia ma lona toalua i le faama’i. Na ia matua faamalosi mai, ona o le aafiaga na matua tuga ma lailoa ai i le falema’i. Saunoa Tuala nate le toe fia o’o i ia tiga ma mafatiaga na iai. E fiva faasoloatoa, tiga le tino atoa, tau le mafai ona manava, nao le tagi ma olega i le Atua ina ia alofa mai. Le paia e, o le tatou Sinoti Samoa, afai e lei faia lou tui poo ou tui uma e lua, o le augani a le pumate, o le tata atu o le logo a Masefau, faamolemole o nei e fai outou tui. A tou alolofa i fanau, aiga, ma oe lava ia, alu nei, ave lou aiga, ia fai uma outou tui puipuia. O le upu a le atunuu, e sili a le puipuia i lo le togafitia.

O le faalaeiau a le aposetolo, i le Ekalesia I Roma, o le faamalosi foi lena mo tatou uma, e leai se isi lava mea e faate’aeseina le alofa o le Atua mai ia i tatou uma lava, e o’o lava i le tui lenei, ao le alofa lena o le Atua, e te alofa atu ai i lau fanau, lou toalua ma lou aiga, ma ou matua. Ave uma le aiga e fai outou tui, ina ia puipuia mai le nei faama’i matautia ma le saua ua afea ai Aotearoa.

O la outou auauna,Suivaaia Te’o