Honour the Lord

As we prepare for Christmas 2023, we are reminded of the words from the Book of Joshua 24 as he bid his final farewell to his tribes, and whanau in a place called Shechem. The final words of affirmation in verse 14, “Honour the Lord and serve him sincerely and faithfully, Get rid of other god’s which your ancestors used to worship in Mesopotamia, and in Egypt, and serve only God … And for me and my House we will serve the Lord.”

Sai koya oqori nai tautau ni loma ni yabaki oqo ni vakarau me mai vakacavari na yabaki ni veiqaravi kei na kena cabeti na noda marautaka na siga ni sucu eda dau vakananuma na lotu vaka-Karisito e vuravura taucoko, na non alia tamata na luveni Kalou mai e vuravura me vaka e toka ena kosipeli ne Joni 1 “ Ni sa yaco me tamata o koya na vosa ka sa mai bula vata kei keda.”

Ena vola nei Josua e cavuti na bibi ni gauna kei na vanua. E a mai cavuti kina na veitautaunaki vakavanua, vakayavusa, vakabauta vata ka vosa vakavuvale talega. Mai vanua e dau kilai tu ni noda vono vakavanua. E vosa vakarautaki ka tawani vinaka na vosa e vei tukutuku dina ka momona eso me baleta nai tosotoso kei na kena maroroi nai lakolako balavu vakavanua, lotu kei na vuvale.

Na bibi ni gauna e cavuti ni sai otioti ni nonai tautau na Qase ko Josua vei ira na kai nona ka tokaruataka na dina ni Kalou ka kauti ira voli mai Mesopotamia, me tekivu mai na nodrai tekitekivu na nodra tamata ni vakabauta vou, e dua nai lakolako vou ni nona veicokotaki ka veivakarautaki na Kalou na vanua makawa kina dua na vanua vou.

Ni da tuvana vakamatau na vosa oqori ena lesoni oqo, au vakabauta ni sai koya koya nai vono ni vanua ko Isireli vei ira na loma ni yavusa, ka me maroroi nai tukutuku ni nodra toso me vaka na vulagi lako voli ka laki tawana e dua na vanua ka ra tawana tiko ni kua ka sa tawani oti koto.

Ena tikina e rua ni lesoni oqo, e dua na vosa bibi e cavuta ko Josua “ V2 Sa qai vosa vakaoqo vei ira na tamata kecega ko Josua, Ena gauna makawa sara sa vakatikotiko na nomuni qase ko Tira na tamai Eparaama kei Neori ena tai ni Uciwai na Euferetisi, ka qarava na veikalou tani eso. Ia au sa qai kauti Eparaama na nomu qase mai na vanua ena tai kadua ni Euferetisi, ka TUBERA koya voli ena vanua taucoko o Kenani. Na vosa bibi ni veitautaunaki sai koya na Kalou sad au veituberi voli enai lakolako ni vulagi oqo.

Na Kalou dauveituberi e dusi toka ena liga tau dodo na ligan ana Kalou ka vueta nai lakolako bolebole oq ena veiveigauna eso. Mai Mesopotamia, ki Uri, ki Karana, ki Kenani, e laurai votu na liga ni Kalou enai tosotoso oqo. Ena nona vono vakayavusa oqo ko Josua e laveta cake ni Kalou e veikacivi, veituberi, veivakacokotaki, veiliutaki, ka vakarautaka na yaya ni veiqaravi enai lakolako vakaoqo.

Ena loma ni Wasewase ko Viti kei Rotuma e Aotearoa, sa voqa na vono ni yavusa oqo vei keda na viti eda vulagi lako voli e Niu Siladi. Me maroroi na vosa e cauraki mai vale, mai na noda vanua, mai na loma ni lotu, na vosa nei Ta kei Na, ko Pu kei Bu, Nau kei Kuku, ko ira na wekada eda sa biuti ira me da sa mai vakaqaqara bula ena vanua vou oqo.

Na vanua ni vono e cavuti tiko ni ko Sikemi ena matani nodra vale ni soro. Ena loma ni noda vono se lotu e bibi na kena maroroi na dina ni Kalou kei na sera uva-kalou. Ko Sikemi e kilai ena vica na ka: e yavutu ni nodra vanua ni veiyalayalati na yavusa oqo kei na nodra Kalou. Ko Sikemi e na vanua e vakacaboi soro kina ko Eparaama kei na nona Kalou, e vanua e mai tokaruataka kina me nona vanua ni vakacaboisoro ko Jekope, ka vakatokayaca taka ko koya me EL ELOHE ISRAEL, NA KALOU KAUKAUWA NI ISIRELI. Ni toso na vakekeli ni vanua oqo, e vanua e digitaka ko Josefa me nodrai bulubulu vakawa. E keli ma na nona sui mai Ijipita ka mai bulu ena vanua oqo.

Enai volatabu vou ena Joni e cavuta ni vanua vata oqo e rau mai sota kina ko Jisu kei na Yalewa ni Samaria, e Saika ka mai vakaraitaki koya ko Jisu vua na marama oqo nis ai koya nai vkabual kei vuravura ka raw ani vakaotia na karamaca vakayalo eso. Enai kenai balebale ni vanua oqo e davo toka kina na vosa bula ni Kalou ka rawa ni coka na yalo ni tamata me yaco na veisau vou kina bula vou ka vakarautaka na Kalou. E dua tale na tikina bibi sai koya na vosa bula ni Kalou e bula ka curubotea talega nai bulubulu kei na vakabauta e ra bulu vata.

Vei keda na Wasewase ko Viti kei Rotuma, sai tatau tiko ni noda lotu, me maroroi nai cabocabo ni soro, biu donu ena loma ni vuvale ena siga ni sucu na bibi ni vono nei Josua “ O AU KEI NA NOQU VUVALE AU NA DIGITAKI JIOVA GA.

Me noda vatana marau kei na veiceguvi na Kalou na Tamai Jisu na Karisito na luvena kei na veimaroroi ni liga ni veituberi ni Kalou na yalotabu ena siga ni sucu oqo kei na tawase ni yabaki. Emeni.