‘Ikai ngata ai, ka na’e toe foaki ‘e he Vahefonua Tonga ‘o Aotearoa mo e Siasi Metotisi ‘a e pa'anga Tonga ‘e T$101,035.65. Ko e lukuluku ivi eni e ngaahi fai’angalotu, ngaahi fāmili ‘ofa mo e ngaahi kulupu tokoni ‘a e Vahefonua.

Ko e tokoni foki eni hili ‘a e tsunami na'ane 'ahia 'a e matāfanga 'o e 'Otu Ha'apai mo e konga 'o Tongatapu, ‘Atatā mo ‘Eua ‘i he ‘aho 15 ‘o Sānuali ‘o e ta’u ni.

‘I he tohi mai ‘a e Tangata’eiki Palesiteni ‘o e Siasi Uēsiliana Tau’atāina ‘’o Tonga, Faifekau Dr Tevita Havea, ki he Vahefonua, na’ane fakamālō loto hounga ki he ‘ofa mo e tokoni kuo fakahoko ange.

“Na'a mou 'uluaki me'a'ofa mai 'a e container tokoni 'e 4. Ko e me'akai mo e vala mo e vai mo e me'akehekehe pe ki he fiema'u faka'api 'o a'u ki he wheelchair mo e walker ki he kau faingata'a'ia,” ko e me’a ia ‘a e Tanga’eiki Palesiteni.

“Ko eni kuo mou toe foaki mai mo e fu'u tokoni fakapa'anga koe’uhi ko e ngaahi fiema'u 'i Tonga ni.”

Na’e me’a ‘a e Tangata’eiki Palesiteni kuo lava e tufa e koniteina ‘e 4.

“Teu fakama'opo'opo pe tufotufa 'o e contianer 'o pehe na'e maau 'aupito.

“Kuo mau 'osi fakakakato 'a e vahevahe atu ho'omou 'ofa ko ia.’’

Koe’uhi ko e Koviti-19 mo e lockdown ‘i Tongatapu mo e ngaahi ‘otu motu ‘i ‘Epeleli, na’e toki faingamālie ‘a e vaka ki Ha’apai he uike faka’osi ‘o mahina ko ia ke fakakakato e tufa ki he ‘Otu Mu’omu’’a mo Lulunga.

“Ko e vahevahe na'e fakatotofu katoa pe ngaahi fāmili ne uesia 'e he tsunami 'i he ngaahi motu katoa 'o a'u mai ki 'Atatā mo Kanokupolu mo Pā Tanagata 'i heni mo 'Eua foki,” ko e me’a ia ‘a e Palesiteni.

“Hange ko 'etau femahino'aki - na'e 'ikai ke lau Siasi 'a e tufa, ka na'e fakahoko ki he kakai kotoa pe 'o e motu kotoa pe.

“Fiefia lahi 'aupito 'a si'i kau faingata'a'ia ne nau ma'u 'a e ngaahi wheelchairs mo e walkers. Ko e naunau ki he Peito na'e 'ave katoa pe ki Ha'apai.”

Na’e me’a ‘a e Tangata’eiki Palesiteni, ne talu 'a e lockdown 'a Tonga mo e 'ikai ke toe 'alu ha folau ki he Ongo Niua, pea na'e kole ke toe to’o mo ha me'akai ke fakafolau ki he ongo motu ni, pea 'e toki fakaa'u ia 'i he 'atā ha vaka ke folau ki ai.

“Ne a'u mo e 'inasi 'o e kau uitou 'o e mātu'a faifekau 'i he tukui kolo, pea 'oku hounga 'a e afe ange.”

Na’e toe me’a ‘a e Tangata’eiki Palesiteni, na'e a'u ‘a e tufa ki he kakai na'e taumu'a mai ki ai.

“’Oku fiefia 'a e Siasi 'i Tonga ni 'i he fengaue'aki mo kimoutolu 'i hena. Malo hono toe tafi hotau lotofale mo fakaulo 'a e maama ke tau fai fakafeta'i ai.”

Na’e ‘i ai foki mo e tokoni vai meia Faifekaiu Saia Tu’itahi mo e Siasi United Methodist Church ‘i ‘Amelika na’e ‘ave ‘i he koniteina ‘e 4.

Ko e ngaahi fanongonongo mei he tēpile ‘a e Ongo Sekelitali ‘a e Vahenfonua Tonga ‘o Aotearoa.

Kole atu ki he ngaahi Vāhenga Ngāue / potusiasi ‘a e Vahefonua ke fokotu’u mai ha’a mou kanititeiti ki he lakanga Palesiteni mo e lakanga Tokoni Palesiteni ‘a e Siasi Metotisi ki he 2024.

Ko e ngaahi fokotu’u ke fakahoko mai ki he sekelitali ‘a e Komiti Fili ‘a e Vahefonua - Felonitesi Manukia (felonitesi@gmail.com) ke oua to e tomui he ‘aho 1 Siulai, 2022.

Ko e fokotu’utu’u ke fakakakato he fakataha Vahefonua ‘o Siulai pea ave ‘a e fokotu’u kanititeiti ‘a e Vahefonua ki he Sekelitali lahi ‘a e Siasi Metotisi ‘i Aokosi.

Tauiwi Youth Conference

Konifelenisi ‘a e To’utupu TAUIWI (Tauiwi Youth) ‘oku teu ke fakahoko he faka’osi ‘o e uike ‘aho 23 – 26 ‘o Sune ki he Siasi Sā Sione , Hamilton East. Ko e lesisita ke kau ki he konifelenisi ‘oku fakahoko ki he website ‘a e mission resourcing www.missionresourcing.org.nz/tyc

Ko e fakamole ki he Konifelenisi –

$60 Lesisita ikai kau ai nofo’anga –

$100 Lesisita kau ai nofo’anga (‘oku ikai lahi ‘a e nofo’anga)

Ko e fakaikiiki fetu’utaki ki he Konivina ‘a e To’utupu ‘Osaiasi Kupu (ozeekupu@gmail.com).

Healthy Homes Standards

Fakamanatu atu ‘a e “Healthy Home Standards” ki he ngaahi siasi ‘oku ai honau api nofo’anga faifekau pe ko ha ngaahi api nofo totongi ‘a e fo’ou na’e kamata he ‘aho 12 ‘o Mē, 2022.

‘Oku mahu’inga ke ‘ilo ‘akinautolu ‘oku nau nofo he ‘api nofo’anga ‘a e ngaahi Standards fo’ou ‘oku fiema’u ke fakakakato he landlord. Ko e fakaikiiki ‘e ma’u mei he website ‘a e siasi https://www.methodist.org.nz/assets/Tangata/PropertyInsurance/Updates-to-healthy-homes-standards.pdf

Faingamālie kole pa’anga (funding)

‘Oku lolotonga ‘atā ‘a e faingamālie kole pa’anga ki he PAC Distribution Group 2022 pea mo e Media and Communication ‘a e Siasi. ‘E tāpuni he ‘aho 30 ‘o Sune, 2022. Ko e fakaikiiki ‘e ma’u mei he website ‘a e Siasi https://www.methodist.org.nz/mahi/grants-andscholarships/ Scholarships / Grants Closing Date

The Pacific Aotearoa Community Outreach Fund – Omicron Response

‘Oku ‘i ai mo e faingamālie ke kole ki he Potungāue ‘a e Kakai Pasifiki (Ministry of Pacific Peoples). Ko hono fakaikiiki ‘oku ma’u mei he website ‘a e potungāue - https://www.mpp.govt.nz/funding/omicron-response/

Tohi Falengā Meesi (Siulai – Tisema 2022)

‘Oku lolotonga ngāue ‘a e kau atitia ki he tohi Falengā Meesi ka ‘e kamata hono fokotu’utu’u ke kamata ‘a e paaki mo hono tufaki he uike 2 – 3 ‘o Sune. Kole atu ki he ngaahi siasi ‘oku fiema’u ke paaki atu ‘enau tohi Falengā Meesi ke fetu’u taki mai ki he Tauhi Pa’anga ‘a e Vahefonua, Meleane Nacagilevu (nacagilevufamily@extra.co.nz) mo e lahi ‘o e tohi ‘oku fiema’u mo e tu’asila ke courier ki ai.

Ako ki he founga fakatau mai & fakatau atu ha koloa (PROPERTY) ‘a e Siasi ‘oku fakalao mo malu’i ‘a e Siasi.

Ako ki he founga fakatau atu mo fakatau mai ha koloa (Property) ‘a e Siasi ‘i ha founga ‘oku fakalao mo malu ai ‘a e siasi.

Ko e webinar ‘oku tataki ia ‘e Wendy Anderson pea mo Trudy Downes.

Ko e ako ‘oku fakahoko he 6.00pm efiafi Tūsite 24 Mē, 2022. ‘E tokoni ‘eni ki he ngaahi siasi ‘oku nau fakakaukau fakatau atu pe fakatau mai ha nau koloa (Property).

Lesisita ki he ako ko e lomi ki he link ko ‘eni https://us02web.zoom.us/webinar/register/WN_o_luZ6nRRzKzzA-GIxPfnA

World Council of Churches – 11TH Assemblies

Ko e fakataha ‘oku fakahoko he ‘aho 31 Akosi ki he 8 Sepitema 2022 ki Karlsruhe, Germany. Koe lesisita (Public Registration) kuo kamata pea ‘e tapuni he ‘aho 30 Sune 2022. Kapa oku ke fie ma’u ha ngaahi fakaikiiki pea alu ki he link ko ‘ena ‘o ha atu https://hail.to/methodist-church-of-new-zealandemessenger/publication/ownrhJu/article/D3CV4Ft

Kalenita Sune/Siulai: ‘Aho Ngāue/Fatongia 24 Mē, 2022

26 Mē 2022 ‘Aho hāʻele hake - Malanga hā‘ele hake

6 Sune 2022 ‘Aho malolo – Queen’s Birthday

12 Sune 2022 ‘Aho Fakamanatu Kolisi Ako Fakafaifekau Trinity

23 Sune 2022 Huufi Konifelenisi TAUIWI Youth

24 Sune 2022 A’ahi Faifekau Sea / SIAOLA ki Dunedin (Fakalele GREi Workshop)

25 Sune 2022 A’ahi Faifekau Sea / SIAOLA ki Oamaru (Fakalele GREi Workshop)

26 Sune 2022 Malanga Faifekau Sea ‘I Oamaru

15 Siulai 2022 Fakataha Vahefonua Kau Faifekau (ZOOM)

16 Siulai 2022 Fakataha Vahefona Kakato (ZOOM) 17

Siulai 2022 Malanga Vahefonua (TBC)

Scholarships/Grants

Closing Date PAC Distribution Group 30 June, 2022

Media and Communication Endowment 30 June, 2022

Let the Children Live 2 August, 2022

Professional Development Grant 15 August, 2022