Ko te Taro o Te Ora

The piece is written in Te Reo Māori without the use of macrons in celebration of Te Wiki o Te Reo Māori. Hoana provides a summary of her recent visit on Sunday 11 August to our Poneke Rohe (Wellington). She has been taking Karakia with the Poneke Rohe there and has helped to strengthen the relationships in this Rohe. She shared with the community the John 6: 24-35 reading which speaks of believing in Christ. 

I te iwa nga ra o Akuhata, ka rere atu ki Whanganui-a-Tara hei noho tahi ai me te whanau o  te Rohe o Poneke. Ka karakia matou i te ahiahi po i te whare karakia o Wesley mai Upper Hutt tekau ma rima pea matou.

I roto to matou karakia ka panuitia te karaipiture John 6: 24 – 35. He korero a Te Atua kei hea to tatou whakapono iaia? Mena ka tino whakapono tatou ki aia, e kore tatou e hiakai, e kore tatou e ngoikore. Nga mea katoa o te Matua ka hoatu kia tatou hei oranga.

I nga korero o nga tupuna, e ko ta ratou kia tino whakapono tatou ki roto i to tatou ao Maori na te mea ka taea e tatou ki te maarama nga manaakitanga o te Te Atua. Ma to tatou nei whakapono ka ora ai tatou wairua, ka ora ai to tatou haerenga runga te mata o te whenua, i te taiao, i nga ahuatanga katoa e hono atu ki te ao wairua.

I te mutunga, ka waihotia tenei hei whakaaro mo ratou. I kona a Eugene me tonake whanau, ka tuku whakaaro aia mo te karaipiture, tua atu ko wetahi atu o te whanau, rawe ta ratou nanakia ki te puta korero.

I tooku nei whakaaro, kua tae ki te waa ma ratou e whakahaere tenei kaupapa o te karakia mo ratou. Heoi ko te mea nui, kia tukuna kia rapua nga pukapuka karakia hei awhina ia ratou. Waati au na mokopuna noho puku i roto te waa karakia, tetahi kore maea ki te puta korero monake.

Ko te tumanako, kia whakaaro noa te EMT kia awhina ia ratou mai nga rauemi kia ako ratou ki te tuku karakia, e taea engari ma tatou e awhi, tino pakari rawa.

A te waa ka whanau mai a Te Karaiti, ka whakaheretia te karakia Kirihimete.

Kaati ra enei, noho ora mai i roto i nga ahuatanga katoa. Paimarire.