Ni da vakamuria na veivakasama oqo e sarava ka vola vinaka na Daunisame enai tuvatuva ni Kalou e saravi na maqosa kei na talei ni qaqalo ni veibuli ni Kalou. Ia e kauwai ka vakataroga na Daunisame ena i ukuuku ni veibuli kece oqo, e vaka me dusi tu vua na tamata nai tuvatuva koya ena cecere kei nai naki ni veibuli taumada. E voqa toka ena taro oqo. A.“ Na cava na tamata mo dau nanumi koya kina” B.“ Na cava na tamata mo dau talevi koya kina” Nai Naki Va-Kalou na noda buli na tamata Vakatekivu 1:27-28 A sa bulia na tamata na Kalou mei tovo vata kei koya.. na tagane kei na yalewa.A sa vosa vakalougataki rau, drau vakaluveni, ka tubu me lewe vuqa, ka vakatawai vuravura. V31 “ A sa vakaraica na Kalou na ka kecega sa bulia ko koya, ka raica, sa ka vinaka sara” Ena vosa vakaIperiu: na tamata ena kenai balebale Adamah: Adam/atama: Tamata kei na vanua. Ni biuta vata na Daunisame na vakasama oqo: ni okota vata na bibi ni vanua kei na veika e bula e tu kina kei ira na veika e buli eso e sarava vinaka na maqosa kei na lagilagi ni veibuli koya ia e tarai koya vakabibi na nona Nanuma se taleva tiko na Kalou Dauniveibuli oqo na yago qele. E bibi vua na Kalou ko iko kei au.Oqo na ka bibi ena 2023 ni ko ka bibi ena mata ni Kalou ka na dautalevi iko tiko ena veiveigauna eso. Ena domo ni lele nei Jeremaia e na dela ni veika rarawa e curuma tiko na yavusa oqo e cavuta vinaka ni Kalou dauveitalevi oqo e dau vakavoui na nona loloma levu ena veimataka ka sai koya koya na yavutu ni noda nuinui ena loma ni yabaki oqo. Nai karua ni ka bibi e lesuva tiko na Same oqo, ni dusia tu na nona dauveiltalevi oqo sai koya nai cegu bula ni Kalou[ Ruach}. Nai cegu ni bula e yavavala toka ena yagoda mei vakananumi ni nona tiko ka sema bula tiko vei keda na Kalou oqo enai cegu ni bula. E cavuta na Joni 10:10 “Sa sega ni lako wale main a daubutako, me butako ga, ka ravuravu, butakuca, vakarusa.. ia au sa lako mai me rawa na bula ia me rawa vakalevu sara”. Nai cegu bula oqo ei vurevure ni nona veivakalougataki na Kalou ka dodonu me maroroi. Ena Jeremaia e vola vinaka toka ni da sa bera ni kunekunetaki sa vakacokotaki oti tu koi keda. E duavata na Same 139 e duavata tiko ena vakasama ni buli keda vakamatau na Kalou ka matata tu na Kalou Dauniveibuli oqo na noda veisiga e makare vinaka tu vua na Kalou. Nai cegu ni bula e tu ravita tu nai serau ni Kalou. Nai serau Va-kalou oqo e daucuruma na butobuto, na titobu kei na tawa kilai ni noda bula. E yavavala na yalo ni Kalou qai salamuria yani na cegu bula ni Kalou ka voqa na domo me basika na rarama sai koya ga na Kalou me basika nai naki koya. Veikedatou na loma ni wasewase ko Viti kei Rotuma eda sa vakananumi tale ni Kalou e vakacabeti keda ena loma ni 2023 e dua enonai yau na noda dautalevi kei dauveinanumi. Eda sa veitautaunaki tiko oqo me dau veinanumi ka dau veitalevi ka veivukei ena 2023. Mai na loma ni lekutu kei Waikato sa vakanuinui vinaka tu yani ena loma ni wasewase ko Viti kei R o t u m a n i n a d u a n a y a b a k i v u a v u a v i n a k a e n a n o d a v e i q a r a v i k a s a l a m u r i a n a n o n a v e i t a l e v i n a K a l o u