Rev Joeli Ducivaki and his wife Talatoka in front of John Wesley House, London, during a recent visit to the United Kingdom. by Supplied

NA VULI NI VEIYALAYALATI. (A Study of Covenant).

.Rev Joeli Ducivaki

/ Jan 22, 2024

The Covenant service, often celebrated on the first Sunday of the year, is at the heart of Methodist’s devotion and discipleship, and their dedication in working for social justice. In the service the Church joyfully celebrates God's gracious offer to Israel that "I will be their God and they shall be my people”.

Vosa Taumada.

Na veiyalayalati, edua na cakacaka bibi ena loma ni Lotu baleta, e kauta na uto ni Soqosoqo Lotu kei ira na tamata Vakabauta ya na Veivakaduavataki. Oqo na cakacaka levu ni loloma ni Kalou, ia koto dei kina na cakacaka levu nei Jone Wesele, en vuku ni noda lesu vua na Kalou, ena cakacaka ni VEIVINAKATI.

Ia, ena veiwekani oqori e koto kina erua na tai ka dau sema eso na gauna ia ka dau tawase eso na gauna talega. E duidui oqori, e tovolei me kauvata mai na tai ruarua me yaco na veivakaduavataki. Ia, ena rawa ga kevaka e tiko edua na veiyalayalati me vakadavori vinaka na tai ruarua.

Oqori kina ena yabaki oqo eda sa na vulica tiko kina nai balebale ni Veiyalayalati.

NA VEIYALAYALATI (THE COVENANT)

Nai Vola Tabu e volai me dusimaka tiko edua na veiwekani ni Kalou kei ira na nona Tamata. E dua na veiwekani e dusimaka ni dua na veiyalayalati. Ia, e vakamacalataki ena Vola Tabu na veiwekani oqo ni lakocuruma edua na veiwekani ena gauna dredre, se gauna rawarawa. Keina balebale ena loma ni veiwekani oqo, e koto nai dusidusi, vakavuvuli, vosa vakaibalebale keina matata i Vosa e vakadaberi kina ena Vola Tabu Makawa keina Vola Tabu Vou.

NA CAVA MADA NA VEIYALAYALATI (What is a covenant?)

Na Vosa ni Kalou e vakamatataka na nai balebale ni vosa na Veiyalayalati. E levu na gauna edau wilika ka calata kina ni da kila vinaka na keinai balebale. E tiko na kenai balebale ena loma keina bibi ni Vosa ni Kalou. Oqori kina sa bibi noda Vulica keina kila vakamatata nai kenai balebale baleta eda na rawa ni qai vakaveiwekanitaki keda vua na Kalou.

E tukuni ni veiyalayalati e koto kina, e 7 na tikina, me vakadaberi vinaka na kena bucini kina kena volai ka to’qai me sa yaco me lawa vei rau na lewerua. E koto na nodrau veidinadinati enai na’ki, gauna ka davo dei tiko kina nodrau vakanananu. E tukuna edua na daunivolavola o Wayne Gruden Ni Veiyalayalati edua lalawa vakalomalagi e vakalesui na nodrau veiwekani tamata keina Kalou.

Na cava na veimataqali Veiyalayalati –

(i) Bilateral – Na nodrau veidinadinati e lewe rua keina lalawa e ologa voli na veiyalayalati oqori. Kevaka edua basuka na lalawa oqori sa mai vakayalia na yalayala oqori na kena dina.

(ii) Unilateral – Edua veirau na lewe rua, me na maroroa na yalayala oqori. Vakaivolatabu, na Kalou e dau yalayala vei keda, ia o keda eda sega ni cakava edua na ka. Na ualuvu nei Noa.

Na 8 na Veiyalayalati e cavuti koto ena Vola Tabu, ka tomika rawa na dauvakadidiqe. Au vakabauta oqo e bibi meda veitalanoataka ka vuli mai kina me yavutaki na noda kila na bibi keina tibotu ni veiyalayala e vakadavora na Kalou vei keda e sa wili meda luvena. E koto oqori edua na lavelave ni ni nona iyalayalati na Kalou vei ira na Isireli ka drodro mai vei keda sa wili meda vakabauti koya.