Ko Paula Keina Tucake Tale Ni Gone Turaga Paul and the Resurrection of Christ
This passage reflects the disciple Paul who understood that God’s grace is for everyone not only for the Israelites but all.
Ko Paula na apasitolo edua na domo rogo taumada enai Vola Tabu Vou me baleta na Tucake Tale, nei Jisu. Na veika eda sa rogoca me baleti, Jisu ka ratou biuta vata na Kosipeli e va, Sa bula tiko ko Jisu (Jesus lives) keina Sa Turaga ko Jisu (Jesus is Lord), edau vakayagataka vakalevu ko Paula ena nona volavola.
Ia, au via vakadaberi keda mada, ena nona sota kei Jisu ko Paula, ena sala ni Tamasiko (Cakacaka 9: 22), e sotava edua na rarama levu ka rogoca edua na domo levu I Jisu. Na raivotu oqo, e raica taudua ga ko Paula, ka sega tale ni dua, ka sa cavuta kina ena 1 Kor 9:1 “Au a raica na Turaga”. Sa vakagolea kina na nona vakanananu “Ni sa bula ko Jisu”
Sa veisau vakadua kina na bula nei Paula, mai na Saula dau veivakararawataki ira na lewe ni Lotu Vakarisito. Tekivu mai vei Sitiveni, ka vakamatei vakaloloma. Ia na nona veisau sa vakadeitaka kina ko Paula “Ni sa turaga ko Jisu”. Na veiliutaki kina nona bula na gone Turaga ko Jisu sa mai moica kina na nona vakabauta, vakanananu kei tovo me sa tekivu vunautaka na tukutuku vinaka ni Tucake Tale.
Edua nai dusidusi eratou qai vakaduria na Kosipeli kei Paula, kina loma ni nodra bula na Jiu ena gauna koya, na Tucake Tale erau veiwekani dei kei Bula Tawamudu. Oqo e mai sema vinaka ko Paula ena nona raica na Mate keina Tucake Tale ko Jisu. E raica kina ko ira era sa vakadinadinataka Ni sa bula na gone Turaga ko Jisu, era vakadavora edua na vei vakabauti vua na Turaga, ka sa vakarautaka ko koya edua nai lakolako vou. Eda sa mai vakasavasavataki ena loloma ni Kalou bula mai na ivalavala kaukauwa kei vuravura ka sega ni dodonu. Eda sa na sala vata kina lakolako ni mate keina Tucake tale kei na gone Turaga ko Jisu Karisito. Na mai cavuta kina ko Paula ena 1 Kor 15: 12 -16, kevaka era sega tucake na tamata kecega, ia a sega talega ni tucake mai na mate ko Jisu. Kevaka e sega tucake tale ko Jisu, ia sa sega talega ni da na tucake tale na tamata kecega ni sa mate oti. Ia, ka ruarua oqori e rau rawa ni duri vata se bale vata. Sa qai tukuna kina ko Paula ni tucake tale ni Turaga sa isevu ni tucake tale. ( 1 Kor 15:20). Sa mai vakadeitaka talega sa tiko edua na noda I nuinui ni sa mai cava eke. Ni sa mai tini na bula oqo sa tiko na Tucake Tale, e mai vakaraitaka na Gone Turaga ko Jisu Karisito.
Ni rogoca na vosa na Tucake Tale, sa dusidusi ni bula ni sa mai cava bula vakavuravura. Na mate keina Tucake Tale ena Vola Tabu sa yavu dei ni Lotu Vakarisito, vakacala oqo, ena qeyavu vakadua na nodai nuinui na tamata Vakabauta. Kevaka eda maroroa vinaka nai vakavulivuli eda sega ni vakacalai se na rerevaka na veika eda na sotava ena vei siga ni mataka, rarawa, lolovira se mate baleta ni sa koto dei na noda vakabauta ni na mai vueti keda na gone Turaga, na noda I Vakabula ko Jisu Karisito. Sa dodonu me sa cavui kalawa, kina dina keina vakabauta sa mai boroa na kenai yaloyalo ko Jisu, ka ra vakadeitaka na Apisitolo ena VolaTabu makawa. Ko Jisu na kai Nasareci sa vakaraitaka edua nai vakarau, sega na dokadoka, se tukutuku koya se wilika na veika sa qarava oti, cakacaka lo ena kena gauna ga, ka vakamata vua na tamata kina nona veivakadonui. Oqori vei keda na veiwekani me dau sarava ka kila vinaka na cakacaka nei Jisu e vuravura oqo. Ni ra mai duavata kina ko ratou na Kosipeli kei ira na Apisitolo ena Vakabauta eda na bulataka, ena Vakabauta ena mai cava kina ena Vakabauta o kune Vakacegu kina mai tai koya. (Me noda vata na rarama sa serauna keda kina na gone Turaga ko Jisu Karisito ena nonai tukutuku sa mai rogo.) Emeni.