NA WASEWASE KO VITI KEI ROTUMA WISHES ALL THE FATHERS HAPPY FATHER’S DAY.

Ni sa bula vinaka mai nai liuliu ni veimatavuvale keimuni na Turaga keina Cauravou lewe ni Soqosoqo vinaka oqo. Eda sa vakarau yacova tale mai ena Sigatabu ni Tama ena yabaki oqo 2023.

E vuku ni noda Sigatabu ni Tama ena yabaki oqo, sa nanumi me sa dua na macawa na noda veiqaravi. Ena qaravi ena loma ni macawa na vuli, ka qai soqoni yani kina noda Sigatabu. Sa soli tu na galala, me qaravi ga na So Kalou ka kakua na vuli ena vuku ni cakacaka keina ososo vakacakacaka

E tiko eso na Tabacakacaka e qarava tiko erua na So Kalou ena dua na Sigatabu. Au nanuma kevaka rawa ni qaravi edua na So Kalou nai Vunau marautaki baleta ni coka tiko na vuli e qaravi ena loma ni macawa. Na keina karua ni Vunau, e rawa ni biuvata na veisau ni taro e qaravi ena loma ni macawa me buli kina edua na Vunau, me qaravi ena kenai karua ni So Kalou.

Au qai laiva toka vei kemudou nai Soqosoqo ni vei Valenilotu mo ni qai vakatulewa kina.

Na ulutaga ena Yabaki oqo, e Tomika cake mai ena vakanananu ni noda yavu ni noda tatadra keina tuvatuva ka nai Liuliu ni Wasewase keina nona komiti. Ia, oqo edua na ka e tiko ka bula voli ena noda veimatavuvale ena veigauna. Sa nanuma kina meda raica lesu, ka rogoca na cava me via tukuna tiko vei keda na Kalou mai Vola Tabu makawa.E digitaki na VTM, e koto kina na Yalayala ni Kalou e yavutaki tiko kina na noda Bula keina Vuravura eda tiko kina ena gauina oqo.

Au kalougata meu kena tamata meu vakadewataka yani kemuni nai tokani lomani. Sa kerei meda vakadeiwataka ka cakacaka kina me sa tiki tiko ni noda cakacakataka na nona Vakabauta. Meda cakacakataka tiko na loma ni Kalou, ena noda veiqaravi mera rawa bula kece kina na vuvale.

Au sa vakanuinui vinaka tiko yani ena kena qaravi vinaka nai tavi eda na qarava ena Sigatabu ni Tama. Ia, meda reki ka marautaka na vei vakarautaki ni Kalou keina cakava tiko na LOMA ni Kalou ena noda Bula yaduadua vakabibi ena loma ni matavuvale.

VAKAMACALA LEKALEKA NI VUNAU.

Ena Vakatekivu wase 25 – 35, e kovuta koto kina nai talanoa ni vuvale nei Aisake kei Repeka keina luvedrau o Iso kei Jekope. Sa dusimaka raibailevu tiko kina na yavusa nei Eparama keina na nona veiwekani keina Kalou. Na ulutaga e dusia tiko na nona yalayala na Kalou vei Eparama ena Vakatekivu 1 : 28 ” Drau vakaluveni me tubu ka lewe vuqa ka tawai vuravura”

Ena Vakatekivu wase 25 – 35, e kovuta koto kina nai talanoa ni vuvale nei Aisake kei Repeka keina luvedrau o Iso kei Jekope. Sa dusimaka tiko na tubu ni yavusa nei Eparama keina na nona veiwekani keina Kalou.

Nai na’ki ni noda vulica nai talanoa oqo, me vakatubu vakasama ena duidui ni talanoa ni vei matavuvale ena tekivuna nai lakolako vata keina Kalou, me rawa ni dusia edua na sala me soli vakasama vei keda ena noda sa tiko ena Vanua vou eda sa tukina ena siga ni kua. Oqo me vakadavora kina veikeda yadudua nai liuliu ni matavuvale kei kemuni sa qai vakarau tiko ni tekivutaki na matavuvale edua na rairai ni Kalou eda qaravi ka vakaliuca tiko ena vei Siga ni noda bula, Sa nanuma eda vulica edua nai talanoa ka vakavure vakasama ka maroroi koto kina na vakavuvuli vakayalo eda ganita ena gauna oqo.

Oqo edua nai vakavuvuli eda raica kina, na cakacaka ni Kalou kina bula o ira era sa digitaka na Kalou, ka sa vakaraitaki yani vei ira na wekana. Oqo edua nai tuvatuva se walewale ni vakayaco lomana vei keda na Kalou, ia meda vakatawana e lomada na nona Vosa, me ra tiko vei keda koya, ia oi keda meda sa tiko vua, ka kila na lomana. Emeni

EDA NA QAI ROGO VUNAU TAUCOKO ENA SIGATABU NI TAMA – ME NODA VATA TIKO NA VEI KALOUGATAKI NI KALOU NI TAMADA. EMENI