Waiata
He honore, he kororia
Maungarongo ki te whenua
Whakaaro pai e ki nga tangata katoa
Hanga e te atua he ngakau hou
Ki roto ki tena ki tena o matou
Whakatongia to wairua tapu
Hei awhina, hei ako hoki i nga kupu i roto i tenei hui
Ake, ake, Amine
Ka waiata ki a Maria
Hine i whakaae
Whakameatia mai
Te whare tangata.
Hine pūrotu
Hine ngākau
Hine rangimārie
Ko te whaea
Ko te whaea
O te ao
Waiata Kāi Tahu - Songs from Kāi Tahu
Manu Tiria
Manu tiria, manu tiria
Manu werohia ki te poho o Te Raka
Ka tau rērere
Ka tau mai i te ruhi
E tau e koia a
Koia, koia ko Tararauriki
Kï mai Māui
Ehara i te whitu me te waru e
e tau e koa, koia!
Tahupōtiki
Tahupōtiki tāku tupuna
Hoki wairua mai arohaina e
Ki ö uri e karanga ake ra
Aratakina tō iwi aue
CHORUS
Aoraki te maunga ariki
Hei whakamaru te iwi kei raro
Takitimu waka whakairo
Hoea, hoea ra te moana
Aue e koro e
Hei whakamahana
Kore rawa e koe e warewaretia
Huakina mai ra ki o tamariki
Ngā tikanga o ngā mātua tipuna
CHORUS
Ngai Tahu te iwi ki Te Waipounamu
Maranga mai.
He taoka te reo
Nā Tauira Takurua
He taoka te reo
He kura pounamu
Iti kahuraki
Māpihi maurea
He taoka pounamu kahuraki
I puta mai roto i te pō
Te tīmataka ko te kupu
Te kākano ruia mai Rakiātea
Ka kete wānaka i riro mai
Tuauri Tūātea me Aronui
Tuku iho i a Rakitūhāhā
He taoka te reo
He kura pounamu
Iti kahuraki
Māpihi maurea
He taoka pounamu kahuraki
Waiata a Ringa - Action Songs
Waitaha e
Waitaha e (Waitaha e)
E karanga e te iwi e
(Kua eke mai nei)
Kua eke mai nei ki runga te marae e
(Mauria mai)
Mauria mai rā i ngā mate o te motu e
(Me ngā tini roimata)
Me ngā tini roimata e maringi whānui e
(Ara, titiro e ngā iwi)
Titiro e ngā iwi ki ngā mahi o te motu
E ora ake nei e
(Ara, rū ana te whenua!)
Rū ana te whenua
Whati whati te moana
(Aue, te aroha)
Aue te aroha, te mamae i ahau e (x 2)