Karakia
E TE WHANAU
E te whānau
Whāia kia mārama
Kia whai take i roto i āu mahi katoa
Kia tū, kia kaha,
Kia hora te marino
Aroha atu, aroha mai,
Tātou ki a tātou katoa.
Tihei, mauri ora.
Haea te ata
Haea te ata
Ka hāpara te ata
Ka korokī te manu
Ka wairori te ngutu
Ko te ata nui
Ka hora ēnā
Ka tangi te ūmere
Te awatea
He hōnore
He hōnore, he korōria ki te Atua,
He maungārongo ki te whenua
He whakaaro pai ki ngā tāngata katoa
Hangaia e te Atua he ngākau hou
Ki roto ki tēnā, ki tēnā o mātou
Whakatōngia tōu Wairua Tapu
Hei āwhina, hei tohutohu i a mātou
Hei ako hoki i ngā kupu o tēnei hui
Ake, ake, ake
Āmine
E te Atua
E te Atua
Tēnei mātou e inoi ana ki a koe
Mō ngā mahi i tēnei rā
Āmine
Karakia Kai
E Rongo, e Rongo
E Rongo, e Rongo
Homai ngā tipu
Hei whakakī i te tinana
Hei oranga
Aueke, aueke
Hui e, tāiki e
E Ihowa
E Ihowa
Homai tō hā
Ki runga i ēnei kai
Hei oranga tinana
Hei oranga wairua
Ki te taro o te ora
Āianei
Ake nei
Ake nei
Ae.
Nau mai e ngā hua
Nau mai e ngā hua
I haere mei nā koe
I whakatupua a Nuku
I whakatupua a Rangi
Tāwhia ki a Rēhua, ki a Tama
(Ki te ao mārama)
Kia whakairia ki runga
Kia tina
Tina
Hui e
Tāiki e
Nau mai e ngā hua e hora nei
Nau mai e ngā hua e hora nei
O te ao, o te wai tai, o te wai Māori
Nā Rongo, nā Tāne, nā Maru
Ko Ranginui e tū atu nei
Ko Papatūānuku e takoto iho nei
Whakamaua kia tina
Tina
Whakapaingia ēnei kai
E te Atua
Whakapaingia ēnei kai
Hei oranga mō ō mātou tinana
Whāngaia ō mātou wairua
Ki te taro o te ora
Ko koe anō tō mātou kaiwhakaora
Āmine
Tēnā tātou
Tēnā tātou
Kua tae mai nei
Ki te mihi
Mō ēnei kai
Me hāmama, whakawhētai
Ki te Atua
Ake,
Āmine
Karakia Whakamutunga
Kia hora te marino
Kia hora te marino
Kia whakapapa pounamu te moana
Hei huarahi mā tātou i te rangi nei
Aroha atu aroha mai
Tātou i a tātou katoa
Kia Tau
Kia tau ki a tātou katoa
Te atawhai o to tātou Ariki
O Ihu Karaiti
Me te aroha o te Atua
Me te whiwhingatahitanga
O te wairua tapu
Ake, ake, ake
Amine
Karakia e mōhiotia whānui ana
E te Atua, homai ki a mātou
E te Atua
Homai ki a mātou
Tōu māramatanga
Tōu rangimārie
Tōu kaha me tōu aroha
Mō tēnei rā
Manaakitia mai tēnei whānau
E kimi nei i tēnei taonga
O te ao Māori arā, ko te reo
Ko te reo te mauri o te Māoritanga
Nō reira kia hāpaitia hei taonga
Mō ngā iwi katoa o Aotearoa
Anō ake tonu atu
Āmine
He īnoi kia mau te reo Māori
Nāu e te Atua kaha rawa,
i homai ngā reo o tēna iwi, o tēnā iwi, puta noa i te ao, ā,
Tukuna mai ana e koe ki etahi te whakamāoritanga o aua reo
Ko to mātou reo ko te reo Māori i homai e koe i te orokohanganga rānō o te ao
Hei koha māu ki a mātou ki te iwi Māori, hei pupuri mā mātou mo ake tonu atu
Kaua e te matua e tukua tēnei tino taonga kia rite ki te moa ka ngaro,
Engari whakakahangia mātou katoa, ki te ako, ki te pupuri, kia mau, kia ita,
Hei koha mā mātou ki te ao
Ki a koe anō hoki
Tēnā koe te ora nā, te Kīngitahi nā, me te Tama me te Wairua Tapu
Kōtahi anō Atua
Ake tonu atu
Āmine
Te Inoi o te Atua
E tō mātou matua i te rangi
Kia tapu tōu ingoa
Kia tae mai tōu rangatiratanga
Kia meatia tāu i pai ai ki runga i te whenua
Kia rite anō ki tō te rangi
Homai ki a mātou āianei he taro mā mātou mō tēnei rā
Murua ō mātou hara me mātou hoki e muru nei
I o te hunga e hara ana ki a mātou
Kaua hoki mātou e kawea kia whakawāia
Engari whakaorangia mātou i te kino
Nōu hoki te rangatiratanga, te kaha me te korōria
Ake, ake, ake
Āmine.
E Te Ariki
E te Ariki
Whakarongo mai rā ki a mātou
E te Ariki
Titiro mai rā ki a mātou
Tēnei mātou ō tamariki
E whakapono ana mātou ki a koe
Aue, Aue
Te Matua, Te Tamaiti
Wairua Tapu e
Te Matua, Te Tamaiti
Wairua Tapu e
Te Matua, Te Tamaiti, Wairua Tapu e
Ka waiata ki a Maria
Ka waiata ki a Maria
Hine i whakaae
Whakameatia mai
He whare tangata
Hine Pārotu
Hine Ngākau
Hine Rangimarie
Ko te whaea
Ko te whaea
Ō te ao
Ko tēnei te wā
Ko tēnei te wa
Ka waiata au
Ka waiata ki a Ihowa
Ko tēnei te wā
Ka inoi ahau
Ka inoi ki te Ariki
Waiata - aroha nui
Waiata - aroha nui
Waiata - aroha nui
Ki te Atua
Ko tēnei te wā
Ka whakapai au
Ka whakapai ki a Ihowa
Ko tēnei te wā
Ka mihi ahau
Ka mihi ki te Ariki
Mō āna atawhaingia
Mō ngā manaakitanga
Mō tōna aroha nui
Ki te tangata