Vosa Taumada.

Ena vuku ni veiliutaki ena loma ni Wasewase Talatala Qase Peni Tikonaika keina Talatala Qase Cavuti Alipate Livani, kei ratou na veitacini vakaitalatala, sa cavuta tiko na vakavinavinaka cecekia, ena veiqaravi kece ena loma ni Wasewase keina vei Tabacakacaka. Ena Joni 6 : 29 “…meda cakava na ka sa VINAKATAKA na Kalou, meda vakabauti koya sa ta’la mai ko koya” Ena vuku saka ni noda yalodua ni noda Vakabauta na Gone Turaga, eda sa sarava kina na cakacaka ni TUBU ena loma Wasewase keina vei Tabacakacaka.

Sa cavuti kina na nodra Vakavinavinaka na Talatala Qase sa mai cegu tiko o Rev Peni Tikonaika, ena loma ni Bose Vakayabaki ena yabaki oqo. Ena nodrau cakacaka voli ena liutaki tiko na Wasewase. Sa vakagolei tikoga kina me vakalagilagi na Kalou o Jiova ena nona veituberi keina veivakukauwataki tiko ena veigauna ni veiqaravi sa na cava tiko.

Ena domodua, keitou sa cavuta tiko kina na neitou vakanuinui vinaka keina lewe ni Wasewase ena Siga ni Sucu keina Vakacagicagi sa tu e matada. Meda kaougata tiko ka kunea tiko na veivakacegui ni Kalou ko Jiova ka tawamudu.

-----------------------------

“Ia ena tubu mai e dua na Coke mai na dulumi I Jese, ka na tubu cake mai na wakana e dua na …” [Aisea11:1].

Parofisai ni nona mai sucu ko Jisu me sereka na tamata mai nai vesu ni valavala ca.

Tamata yadua, vuvale, vanua, lotu, veiwekani. Ka kece e mate, malai, sega na kena yaga. Sa sereki me bula.

Bula vata kei iko mo curuma rawa na dredre:

“… Ko na vakayacana ko Imanueli … na Kalou ka tiko vata kei keda” [Maciu1:23].

Vesu ena loma ni buka waqa mo mate. Sereki, lako voli ena bula vinaka e loma ni lovo bukawaqa katakata.

“Raica au sa kunea e lewe va na tamata sa sereki tu, ka ratou lako voli tiko e loma ni bukawaqa, sa sega na ca e yacovi iratou, ia na kena I rairai ni kena I ka va, sa vaka na I rairai ni luve ni Kalou” [Tan.3:25].

Na uto ni cakacaka e talai mai kina ki vuravura ko Jisu.

“Au sa sega ni masu mo ni kauti ira tani e vuuravura, mo ni maroroi ira ga mai na vu ni ca” [Joni17:15].

Vakavinavinakatataka na loloma levu ni Kalou ena nona mai sucu vakatamata ena noda dui bula.

Mo sereki, lako ena galala ena loma ni butobuto, buka waqa. Lako vata voli kei keda ko Jisu Karisito.

“Raica ena bukete e dua na goneyalewa, ka na vakasucuma e dua na gonetagane. Ka na vakayacani ko Imanueli … na Kalou ka tiko vata …” [Maciu1:23].

Vakacegu na yalo ena loma ni dredre:

Loma ni valeniveivesu, vesu na liga / yava ena senicodo, yadravi vinaka mai vei ira na I vakatawa.

Laga sere, masu ena domolevu ena buto ko Paula kei Sailasa. Tasere na I vesu, vakamoceri na I vakatawa.

“A sa tavuki vakalevu vakasauri na vanua, a sa yavala kina na yavu ni valeniveivesu, a sa tadola vakasauri kecega na I sogo ni katuba, a sa sereki yadua na kedra I vesu na tamata” [Cak.16:26].

Laga sere enai vesu ni valeniveivesu, e tukuna na sereki na yalo ni sa sucu vakayalo kina ko Jisu Karisito.

Ni sa vakacegu ka sereki na yalo, sa ka wale sara na sereki ni vei ka e vesuka, vauca, vakamatea tu na yago.

“Ia ni sa lomaloma ni bogi na vanua, sa masu ko Paula kei Sailasa, ka sere vua na Kalou …” [Cak.16:25].

Balebale ni vosa nei Jisu vei ratou na tisaipeli me baleta na bula ni vakatawa vinaka. Bula ni yago kei na yalo

“Sa sega ni lako wale mai na daubutako me butako ga, ka ravuravu ka vakarusa; au sa lako mai me rawa vei ira na bula, ia me rawa vakalevu sara” [Joni10:10].

Jisu Karisito na Bula vakataki koya:

Cava na ka e vesuki / vakabobulataki iko tu vakadede. Ko sa sega ni kunea se vakila rawa na bula.

Lako tu ena butobuto, ena buca ni yaloyalo ni mate. Sega ni raica rawa na rarama / bula.

Ciqoma na gone lailai ka sucu ena valenimanumanu, na Coke ka tubu cake ena dulumi.

“Ia ena tubu mai e dua na Coke mai na dulumi I Jese, ka na tubu cake mai na wakana e dua na Tabana” [Aisea11:1].

Me sereki iko, mo lako ena galala ni sa druka ko vuravura kei na veivakabobulataki ni valavala ca.

Vanua e butuka na yavana e tubu kina na bula.

Na vosa ni gusuna e tubu kina na bula.

Na tatara ni ligana e tubu kina na bula.

“Ko ira na tamata ka tiko ena butobuto era sa raica na rarama levu. Ia vei ira ka tiko ena vanua ni mate kei na kena yaloyalo, Sa cabe cake na rarama” [Maciu4:16].

Meda solevu ni vakavinavinaka ena Sucu I Jisu. Sucu vakayalo ki na noda bula.

Sereki keda mai na veika kecega eda vesuki tu kina.

“A tamata vakaloloma koi au, ko cei ena sereki au mai na yago ni mate oqo? Au sa vakavinavinaka vua na Kalou ena vuku ni noda Turaga ko Jisu Karisito …” [Roma7:24 – 25].